Ucar rayonunda Su təsərrüfatı və Meliorasiya işçiləri günü qeyd olunub

03 iyun 2019-cu il tarixdə Ucar Heydər Əliyev Mərkəzində “05 iyun-Su təsərrüfatı və meliorasiya işçiləri günü”nə həsr olunmuş tədbir  keçirilmişdir.

Tədbir iştirakçıları  əvvəlcə  ümummilli  lider Heydər Əliyevin abidəsi önünə  gül dəstələri qoydular.

Tədbirdə 2 saylı Su-Kanal Regional İdarəsinin, Ucar Su-Kanal Sahəsinin, Suvarma Sistemləri İdarəsinin, rayon Meliorasiya İdarəsi və rayon Melioservis İdarəsinin çoxsaylı işçiləri  və rayon ictimaiyyətinin nümayəndələri iştirak edirdilər.                   

2 saylı Su Kanal Regional  İdarəsinin rəisi Əvəz Nəbiyev, rayon Meliorasiya İdarəsinin   rəisi Həsən Qasımov, rayon Suvarma Sistemləri İdarəsinin  rəisi Müşviq Məmmədov,rayon Su-Kanal  Sahəsinin rəisi Asif Şirinov  çıxış edərək su təsərrüfatı və meliorasiya  işçilərinin qarşısında duran  vəzifələr haqqında  məlumat verdilər.        

Rayon İcra Hakimiyyətinin Başçısı Mənsur Məmmədov  su təsərrüfatı və meliorasiya işçilərini peşə bayramı münasibəti ilə təbrik etdi. Rayon İcra Hakimiyyəti Başçısının sərəncamı ilə fərqlənən işçilərə Fəxri Fərmanlar təqdim olundu.

Həmçinin  “Azərsu” Səhmdar Cəmiyyəti tərəfindən təltif olunmuş işçilərə Fəxri Fərmanlar və hədiyyələr verildi. 

Rayon Mədəniyyət Mərkəzinin hazırladığı musiqi proqramı  alqışlarla qarşılandı.