Şəhidimiz Fərzəliyev Fərzalı Əlimövsüm oğlu anadan olduğu Ucar rayonu, Alpı kəndində dəfn edildi
Fərzəliyev Fərzalı Əlimövsüm oğlu 11 avqust 2000-ci ildən anadan olduğu Ucar rayonunun Alpı kəndində anadan olmuşdur. 2007-ci ilin sentyabr ayında Ucar rayonu A.Abdullayev adına Alpı kənd tam orta məktəbin I sinfinə getmiş, 2016-cı ildə həmin məktəbin ümumi orta təhsil səviyyəsini (IX sinfi) bitirmişdir.
Ailədə 2 qardaş və 1 bacı olmuşdular. Evin kiçik övladı idi, nişanlı idi.
Məktəbdə oxuduğu müddətdə nizam-intizamlı, etik davranışı ilə hər kəsdən seçilən vətənpərvər şagirdlərdən olmuşdur.
2018-ci ilin oktyabr ayında hərbi xidmətə yollanmışdır. Dövlət Sərhəd Xidmətinin müxtəlif hərbi hissələrində qulluq etmişdir.
07 yanvar 2020-ci il tarixdə saat 14:56 radələrində son xidmət yeri olan Qazax rayonunun Quşçu Ayrım kəndi istiqamətində xidməti vəzifəsini yerinə yetirərkən düşmən snayperindən açılan atəş nəticəsində sərhədçi əsgər Fərzəliyev Fərzalı Əlimövsüm oğlu ŞƏHİD olmuşdur.
Şəhidimiz Fərzəliyev Fərzalı Əlimövsüm oğlu anadan olduğu Ucar rayonu, Alpı kəndində 08 yanvar 2020-ci il tarixdə dəfn edilmişdir.
Allah yerin behiştlik etsin, Amin!