Azərbaycan Respublikasının Nəqliyyat Naziri Ziya Məmmədov Ucar rayon ictimaiyyəti ilə görüşü keçirildi

Azərbaycan Respublikasının Nəqliyyat Naziri Ziya Məmmədov Ucar rayon ictimaiyyəti ilə görüşü keçirildi. Görüşü giriş sözü ilə  rayon İcra Hakimiyyətinin Başçısı Mənsur Məmmədov açaraq ölkədə həyata keçirilən  antiböhran tədbirləri,  süni qiymət artımına qarşı  mübarizə və qarşıda duran məsələlər haqqında məlumat verdi.
          Daha sonra Azərbaycan Respublikasının Nəqliyyat Naziri  Ziya Məmmədov çıxış edərək  qeyd etdi ki,  Azərbaycan Respublikasının Prezidenti cənab İlham Əliyevin düşünülmüş və  uzaqgörən siyasəti nəticəsində vaxtında aparılan islahatlar və görülən tədbirlər,  neft amilindən asılılığın azaldılması, sahibkarlığın inkişaf etdirilməsi sahəsində ölkə iqtisadiyyatının mənfi təsirlərə qarşı dayanıqlığını təmin etmək mümkün olub. Baş verən inflyasiyaya baxmayaraq dövlət başçısının əsasını insan amili təşkil edən siyasətinə uyğun olaraq əhalinin  sosial müdafiəsinin gücləndirilməsi tədbirləri həyata keçirilir, bir çox sahələrdə çalışan işçilərin maaşları, sosial müavinətlər, əmək pensiyasının baza hissəsi artırılır. Sahibkarlığa göstərilən diqqət və qayğı nəticəsində daxili məhsulların artırılmasında hər kəs öz töhfəsini verməli olduğu vurğulanmışdır.
         Rayon Ağsaqqallar Şurasının sədri Nurəddin Xəlilov, rayon uşaq xəstəxanasının həkimi, rayon  Qadınlar Şurasının sədri  Səidə Ələkbərova, şəhər  5  saylı  tam  orta  məktəbin direktoru, Respublika “Bilik” fondu Ucar rayon nümayəndəliyinin rəhbəri   Hakim Nəcəfov, rayon Mədəniyyət və Turizm şöbəsinin müdiri Alı Babayev, rayonun  Rəstəcə  kənd  tam  orta  məktəbin direktoru, Qarabağ Müharibəsi Əlilləri, şəhid ailələri  və Veteranlar İctimai Birliyinin rayon şöbəsinin sədri  Rahib Rəsulov, sahibkar, Qazyan kəndi Nadir Nuriyev çıxış edərək hazırkı vəziyyətdə dövlət qayğısının göstərdiyi diqqət və qayğıya görə ölkə prezidenti cənab İlham Əliyevə minnətdarlıqlarını bildirməklə ucarlıların daima ətrafında  sıx sıralarla birləşdiklərini bildirmişlər.