UCARDA NOVRUZ ŞƏNLİYİ
Xalqımızın milli bayramı olan Novruz bayramı Ucar rayonunda da böyük təntənə ilə qeyd edilmişdir. Bayram ərəfəsində, o cümlədən çərşənbələrdə rayonun müxtəlif yerlərində şənliklər keçirilmiş, tonqallar yandırılmış, milli adət-ənənələrə uyğun tədbirlər təşkil edilmişdir. 18 mart 2013-cü il tarixdə Heydər Əliyev Mərkəzinin önündə rayon ictimaiyyətinin iştirakı ilə keçirilən tədbir daha möhtəşəm olmuşdur. Tədbirdə rayonun ayrı-ayrı kəndlərinin təşkil etdikləri bayram süfrələri qədim adət-ənənələrə uyğun təşkil olunmuş, məişət səhnələri hamının marağına səbəb olmuşdur. Tədbirdə rayon İcra Hakimiyyətinin başçısı Yaşar Məmmədov rayon camaatını təbrik etmiş, Bakıdan gəlmiş incəsənət ustalarının iştirakı ilə konsert proqramı keçirilmişdir.
