Ucar rayon İcra Hakimiyyəti Başçısı Mənsur Məmmədovun Qazyan kəndində səyyarı qəbulu keçirilib

Azərbaycan Respublikasının Prezidenti cənab İlham Əliyevin vətəndaşların müraciətlərinə qayğı və həssaslıqla yanaşılması ilə bağlı verdiyi tapşırıq və tövsiyyələri rəhbər tutaraq Ucar İcra Hakimiyyəti tərəfindən yerlərdə səyyar qəbulların keçirilməsi, vətəndaşların qaldırdıqları məsələlərin operativ həll olunması üçün müvafiq tədbirlərin görülməsi daim diqqət mərkəzində saxlanılır.

Ucar RİH Başçısı Mənsur Məmmədovun kəndlərdə səyyar qəbulun qrafiki üzrə növbəti görüşü 24 iyul 2019-cu il tarixdə rayonun Qazyan kəndində keçirilmişdir.

Səyyar qəbulda rayonun hüquq-mühafizə orqanlarının, səhiyyə, təhsil, mədəniyyət və digər xidmət təşkilatlarının rəhbərləri, RİHB-nın ərazi inzibati dairəsi üzrə nümayəndəsi, bələdiyyə sədri, kəndin digər xidmət təşkilatlarının rəhbərləri və kənd sakinləri iştirak etmişdir.

Səyyar qəbul-görüşdə çıxış edən Ucar rayon İcra Hakimiyyətinin başçısı Mənsur Məmmədov əhalinin sosial müdafiəsi və sosial rifahının yüksəldilməsi istiqamətində görülən işlərdən, əhalini narahat edən problemlərin həlli istiqamətində həyata keçirilən tədbirlərdən danışaraq Azərbaycan Respublikasının Prezidenti cənab İlham Əliyevin Sərəncamları ilə şəhid ailələrinə birdəfəlik ödəmə verilməsinin, minimum əməkhaqqının 180 manatdan 250 manata çatdırılmasından, minimum pensiyanin, tələbələrin təqaüdlərinin əhəmiyyətli dərəcədə artırılması, qaçqınlar və məcburi köçkünlər də daxil olmaqla bütün növ müavinətlərin 100 faiz həcmində artırıldığını diqqətə çatdırdı.

Daha sonra rayon İcra Hakimiyyətinin başçısı Mənsur Məmmədov sakinlərin müraciətlərini dinləyib.

Səyyar qəbulda  5 nəfərin 5 müraciəti dinlənilmişdir.

Kənd sakinlərinin müraciətləri 1 nəfər Qazyan kəndində yeni yaşayış massivinə verilən elektrik enerjisi transformatordan çox uzaq olduğuna görə elektrik verilişindəki gərginlik aşagı olduğunu nəzərə alaraq köməklik olunmasına, 1 nəfər kəndin ”Altmış hektar” adlanan ərazidə pay torpaq sahələrinin suvarılması üçün Kəsbər arxından gələn arxa su qapısı qoyulmasına və arxın qazılaraq lildən təmizlənməsinə, 1 nəfər kəndin aşağı hissəsinə əkin sahəsinin suvarılması üçün suyun verilməsinə, 1 nəfər yaşadığı evin yaxınlığından keçən su arxının 600 metr hissəsinin qazılaraq lildən təmizlənməsinə və 1 nəfər kəndin mal-qarası üçün “Qurd yuvası” adlanan 120,0 ha örüş sahəsində kənd sakini 250 metr uzunluğunda kanal qazıb, bənd vuraraq bir hissəsini zəbt etmişdir, qazılan kanalın torpaqla doldurularaq hamarlanmasına köməklik olunması ilə bağlı olmuşdurlar.

Səyyar qəbulda iştirak edən sakinlər bu cür qəbbulların çox effektli olduğunu, qaldırılan problemlərin həll edildiyini önə çəkiblər.

Sakinlər yerlərdə müraciətlərə baxılması üçün yaradılan şəraitdən razılıq edərək göstərdiyi diqqət və qayğıya görə möhtərəm Prezident cənab İlham Əliyevə öz minnətdarlıqlarını bildiriblər.