Ucar rayon İcra Hakimiyyəti Başçısı Mənsur Məmmədovun Lək kənd inzibati ərazi dairəsi üzrə nümayəndəliyində səyyarı qəbulu keçirilib

Azərbaycan Respublikasının Prezidenti cənab İlham Əliyevin vətəndaşların müraciətlərinə qayğı və həssaslıqla yanaşılması ilə bağlı verdiyi tapşırıq və tövsiyyələri rəhbər tutaraq Ucar İcra Hakimiyyəti tərəfindən yerlərdə səyyar qəbulların keçirilməsi, vətəndaşların qaldırdıqları məsələlərin operativ həll olunması üçün müvafiq tədbirlərin görülməsi daim diqqət mərkəzində saxlanılır.

Ucar RİH Başçısı Mənsur Məmmədovun kəndlərdə səyyar qəbulun qrafiki üzrə növbəti görüşü 05 fevral 2020-ci il tarixdə RİHB-nın Lək kənd inzibati ərazi dairəsi üzrə nümayəndəliyində keçirilmişdir.

Səyyar qəbulda rayonun hüquq-mühafizə orqanlarının, səhiyyə, təhsil, mədəniyyət və digər xidmət təşkilatlarının rəhbərləri, RİHB-nın ərazi inzibati dairəsi üzrə nümayəndəsi, bələdiyyə sədri, kəndin digər xidmət təşkilatlarının rəhbərləri və kənd sakinləri iştirak etmişdir.

Səyyar qəbulda rayon İcra Hakimiyyətinin başçısı Mənsur Məmmədov çıxışında fevralın 3-də “Azərbaycan Respublikası regionlarının 2019-2023-cü illərdə sosial-iqtisadi inkişafı Dövlət Proqramı”nın icrasının birinci ilinin yekunlarına həsr olunan konfransda aparılan müzakirələrdən, qarşıya qoyulan  hədəflərdən danışmışdır. Son illər ərzində ölkəmizin iqtisadi durumun yaxşılaşdırılması, sağlam biznes mühitinin formalaşdırılması, investisiyaların cəlb edilməsi, kiçik və orta sahibkarlığın inkişafı, əhalinin məşğulluq səviyyəsinin artırılması və maddi rifahının yüksəldilməsi istiqamətində həyata keçirilən tədbirlər barədə ətraflı çıxış edərək bildirib ki, regionların sosial-iqtisadi cəhətdən inkişafı dövlətimizin iqtisadi prioritetləri arasında mühüm yer tutur.

Daha sonra rayon İcra Hakimiyyətinin başçısı Mənsur Məmmədov sakinlərin müraciətlərini dinləyib.

Səyyar qəbulda 4 nəfərin 4 müraciəti dinlənilmişdir.

Kənd sakinlərinin 1 müraciəti bələdiyyəyə məxsus olan örüş sahəsi icarəyə verildiyindən həmin örüş sahəsinin kəndin mal-qarasının otarılması üçün istifadə edilməsinə, 1 müraciəti əkin sahəsinin suvarılmasına, 1 müraciəti Lək kəndinə gələn su arxının Qarabörk kəndi ərazisindən keçən hissəsində çirkab sularının axıdılmamasının və kənd camaatının saxladığı ev quşlarının həmin su arxının (qaz, ördək) çirkləndirilməməsinin qarşısının alınmasına və 1 müraciəti yeni tikdirdiyi fərdi yaşayış evinə elektrik xəttinin çəkilməsinə görə Asan xidmətdən texniki şərt alınıb, lakin texniki şərtdə dövlət rüsumu çox olduğu üçün həmin məbləği ödəməyə gücü çatmaması barədə köməklik olunması ilə bağlı olmuşdurlar.

Qəbulda səslənən müraciətlər, təklif və rəylər dinlənildikdən sonra sakinlərə müvafiq izahatlar verilib, qaldırılan məsələlərin həlli istiqamətində əlaqədar qurum və təşkilat rəhbərlərinə yerindəcə tapşırıqlar verilib və onların həlli nəzarətə götürülüb.