Ucar Rayon İcra Hakimiyyətinin Başçısı Mənsur Məmmədov icra hakimiyyəti Aparatının məsul əməkdaşlarının iştirakı ilə müracət edən vətəndaşlarla onlayn qəbul keçirib

Mayın 18-də Azərbaycan Respublikasının Prezidenti cənab İlham Əliyevin vətəndaşların müraciətlərinə qayğı və həssaslıqla yanaşılması ilə bağlı verdiyi tapşırıq və tövsiyyələri rəhbər tutaraq Ucar Rayon İcra Hakimiyyətinin Başçısı Mənsur Məmmədov icra hakimiyyəti Aparatının məsul əməkdaşlarının iştirakı ilə müracət edən vətəndaşlarla onlayn qəbul keçirib.

Onlayn qəbulda çıxış edən Ucar Rayon İcra Hakimiyyətinin Başçısı Mənsur Məmmədov Azərbaycan Respublikasının Prezidenti cənab İlham Əliyevin “Azərbaycan Respublikası Prezidentinin Administrasiyasında vətəndaşların videoqəbulunun təşkili Qaydası”nın təsdiq edilməsi haqqında 13 may 2020-ci il tarixli Fərmanı ilə vətəndaş müraciətlərinə baxılma işində səmərəliliyin artırılması məqsədilə yerlərdə də videoqəbulların təşkili və həyata keçirilməsini diqqətə çatdırıb.

Daha sonra Mənsur Məmmədov Yuxarı Şilyan, Xələc və Boyat inzibati ərazi dairəsi üzrə nümayəndəliklərindən müraciət etmiş vətəndaşları dinləmişdir.

Xələc kəndindən 1 müraciət Göyçay çayından kəndə gələn su arxının qazılaraq lildən təmizlənməsinə, Boyat kəndindən 2 müraciət yaşadığı evin həyətindən telefon xətti keçir və dayaqları qəzalı vəziyyətdə olduğunu bildirərək təmir və digəri qəzalı vəziyyətdə olan elektrik dayağının yenisi ilə əvəz olunmasına, Yuxarı Şilyan kəndindən 1 müraciət pay torpağına yığılmış qrunt sularının axıdılması üçün su motorunun işlədilməsi məqsədilə elektrik enerjisi ilə təmin olunmasına köməklik olunması ilə bağlı olmuşdur.

Onlayn qəbulda səslənən müraciətlər dinlənildikdən sonra sakinlərə müvafiq izahatlar verilib, qaldırılan məsələlərin həlli istiqamətində əlaqədar qurum və təşkilat rəhbərlərinə tapşırıqlar verilib və onların həlli nəzarətə götürülüb.

Sonda M.Məmmədov onlayn qaydada inzibati ərazi dairəsi üzrə nümayəndə və bələdiyyə sədrlərinin dinləmiş, yerlərdəki vəziyyət barədə məlumatlar alaraq aidiyyatı üzrə tapşırıqlarını vermiş və vətəndaşların onlayn qəbullarının keçirilməsinin davam etdirilməsinin zəruriliyini vurğulamışdır.