Apellyasiya Şurasının tərkibi

Ucar rayonu İcra Hakimiyyəti Başçısının 08 fevral 2016-cı il tarixli 15 saylı sərəncamından

         Ç I X A R I Ş

Ucar rayonu İcra Hakimiyyətinin Apellyasiya Şurasının yaradılması haqqında

Azərbaycan Respublikası Prezidentinin 2016-cı il 3 fevral tarixli Fərmanı ilə təsdiq edilmiş “Yerli icra hakimiyyəti orqanlarının Apellyasiya Şuraları haqqında Nümunəvi Əsasnamə”nin 4.1 bəndini rəhbər tutaraq sahibkarlıq fəaliyyəti göstərən fiziki və hüquqi şəxslərin şikayətlərinə baxılması sahəsində şəffaflığın və obyektivliyin təmin edilməsi, bu sahədə şəxslərin hüquqlarının və qanunla qorunan maraqlarının müdafiəsi məqsədilə Qərara Alıram:

1. Ucar rayonu İcra Hakimiyyətinin Apellyasiya Şurası yaradılsın.

2. Apellyasiya Şurasının tərkibi təsdiq edilsin:

Apellyasiya Şurasının sədri:

Vaqif Mehdiyev - rayon  İcra  Hakimiyyəti  Başçısının  müavini–Sosial-iqtisadi inkişafın təhlili və proqnozlaşdırılması şöbəsinin müdiri

Şuranın üzvləri:

Xəyyam Səmədzadə - rayon İcra Hakimiyyəti Başçısı Aparatının hüquq şöbəsinin müdiri

Cəbrayıl Tağıyev  - rayon  İcra Hakimiyyəti Başçısı Aparatının ərazi idarəetmə və yerli özünüidarəetmə orqanları ilə iş şöbəsinin müdiri

Nasir Abdıyev  - rayon İcra Hakimiyyəti Başçısı Aparatının memarlıq və tikinti şöbəsinin müdiri-baş memar

Nurməmməd Tağıyev - rayon   İcra  Hakimiyyəti Başçısı Aparatının sosial-iqtisadi inkişafın təhlili və proqnozlaşdırılması şöbəsi müdirinin müavini   

Məhəmməd Bayramov - rayon  İcra  Hakimiyyəti  Başçısı  Aparatının  ictimai-siyasi və humanitar məsələlər şöbəsi müdirinin müavini-dini qurumlarla işin təşkilatçısı

Abdulla İbrahimov - rayon İcra Hakimiyyəti  Başçısının Ucar şəhəri inzibati ərazi dairəsi üzrə  nümayəndəsi

3. Apellyasiya Şurasının katibliyinin tərkibi təsdiq edilsin:

Katibliyin rəhbəri:

Aidə Qəhrəmanova - rayon  İcra  Hakimiyyəti  Başçısı  Aparatının  sənədlərlə  və vətəndaşların müraciətləri ilə iş şöbəsinin müdiri

Katibliyin üzvləri:

Ramin İsmayılov - rayon İcra Hakimiyyəti Başçısı Aparatının hüquq şöbəsinin məsləhətçisi

Lalə Bəkirova - rayon  İcra  Hakimiyyəti  Başçısı  Aparatının  sənədlərlə  və  vətəndaşların müraciətləri ilə iş şöbəsinin məsləhətçisi

4. Apellyasiya Şurasının sədri V.Mehdiyevə tapşırılsın ki, “Yerli icra hakimiyyəti orqanlarının Apellyasiya Şuraları haqqında Nümunəvi Əsasnamə”nin tələblərinə uyğun olaraq rayon İcra Hakimiyyətinin Apellyasiya Şurasının fəaliyyətini təmin etsin.

5. Sərəncamın  icrasına nəzarəti öz üzərimdə saxlayıram.

Ucar rayonu İcra Hakimiyyətinin Başçısı                                                      Mənsur Məmmədov